| |||||||||
| |||||||
« آخـــر الـــمـــشـــاركــــات »
 الإهداءات |
| | Thread Tools | Rate Thread | Display Modes |
 09-07-2005, 02:35 AM | رقم المشاركة : [1] | |
|
|  مرثية الفرجوني في الشاعر حسان ابو عاقلة ود ابوسن والد عزنا في رثاء المرحوم الأستاذ/ حسان ابو عاقلة ابو سن للأستاذ الشاعر احمد عبدالله البنا الفرجوني من روائع الأدب السوداني **** معلقة الفرجوني في رثاء حسان والله انها من اروع ما سمعت وما قرأت هذه مناحة مخلدة في تاريخ الأدب العربي *** ,مفقود يا خَرِيفْ دَارْنَا ال... بمِهل النَّجعة ببكي عليك بكاياً فِيه كمِيَّن وجَعة آخرهن فُراقاً لا خبَر لا رجْعة وأولهِن رحِيلاً سَيتُو مِننا فَجْعَة * * * ببكِي عليك بُكاياً في ضَمايري جرُوحُو بي حُزناً كتير غَلَبَن لِسَاني شروحو درَّاج الضَّعيف ال... خيرُو مُو دُوب رُوحو مَفقودَاً بشاشُولُو الضُعَاف وبنُوحُو *** ود أبْ سن وكاملَ الحِن رَحَل فَارقْنَا ماهل الدَّار وراحة الجار ، رحيلو حَرَقنَا قَمر اللِّيل ، وصَمَد الخيل ،كفوفو دَرَقنا مُونَتنَا وخَريف عَامُنا العَليهُو مَرَقْنا * * * تبكي عَليهُو أرض أجدادُو تبكي بَطاينُو يبكي عليهُو جُوُداً مِنْ جِدُودُو مداينُو ببكيهُ العَشِير ال..كَابِي فوقُو وصَايْنُو ببكوهُ الضُّعَاف ال.. لي بَشَايرُو بعاينُو **** ببكنُّو الصِّدِي ال.. فوقهِن حَديدهِن شَكْ ببكنُّو السِّيُوف ال..ضَرِبَهن لا شَك ببكيهُ القُطَابي ال.. فُوق مَجسَّفُو رَك تَبكي بُطَانْة ابُوه ال.. مَا اندنت لي مك * * * فَارِس الصَّف ، وطاهر الكَف خبارُو اللَّيلة ما لاقَانَا بِتبسمْ لَزوم الشيلَة أبكن يا البُروق كُبَّن دُمُوعكَن سيْلة رَقَد ال.. بسنِد الهَاكعَة وبِعَادْلَ الميلَة *** رَقَدْ ال..مَسمِي فوق جَد جدو فُوق حَسَّان وَدْ ال..لي مَحافل أُمَّات دِرُوع عِرسانْ رَقَدْ ال.. في النَّشيد فايق علي حَسَّان رقدْ ال .. وصَفُو في قُصر الكَلام إنسان * * * تبكي عليك بُطانتَك بالبروق ال.. لَحَّنْ ويبكنَّك نَقَاقِير الِجِدود ال.. قحَّنْ يبكنَّك سيوفاً يُوم طَنَاهِن صَحَّنْ يبكُوك الضُّعاف وَكتْ المواجيد شَحَّنْ **** يا فَارسَ النَّقَاقِير ال.. مَحَنضَل رُوزَكْ الخَيل رَوَّقن يوم مَعركِيبهِن فَوزَكْ ببكنَّك ودَيَّن كُلَّهِن في حُوزَكْ ببكيك أبْ علي الجَدْ ال.. عَلَيهُ ركُوزَكْ * * * وافر الكَيل،وتِلَب الشيْل وخير العامَّة صادق القُول ، ومينةَ العُول، ونُوم الهَامَّة حليلْ حَسَّان حليل ذَاتُو ونَفَايلُو التَّامَّة حَلحَال عُقدة الحجن الورَاهِنْ طامَّة **** ما تَبكيهُ يا عَينْ بالدِّمُوع وخلاس ابكي الدَّم على ال ..شَلَبي وسَخي وْوَد نَاسْ خيراً عِندو ما كنَّاه للخُنَّاس مُشرَع للضُّعَاف من كافَّة الأجناس * * * سَرَف القَيفْ ، وبَطَر الضِّيف ، ووارْث ابْواتُو تَامَّ الكَيف ، ونِيل الهَيف ، خريف أوكَاتُو زايلَة وهَلاَّ يا حليلُو ال.. نَبيهَة صِِفاتُو يا حليلُو ال ... بِعيش مَرمِي القبيلَة شتاتُو **** بِبكُوا الناس عَلى النَّاس بالدِّموعْ الجَاريَة ويبكنَّك نَفَايلاً للمَكَارِم حَارْية مَغبُونْ السحَابْ تكتُل بِروقُو الفارْية هَادِي دمُوعُو نَزَلتْ فوقْ بُطانتك سَاريَة * * * يبكيك أب علي وحَسَّان ولا كاكُوم ويتْرزَّم نحاس اجدادَك المَعَلُوم يا المهَل ال... على ضَهَرُو الولايا تنوم يبكنَّك خُيولَك عْْْْْْنْ مَلاقِي القُوم ? * * * يبكنَّك سِيوف أجدادك القطَّاع ويبكيك أب عَلي ال..صَدَّ الهَمج مَا طاع جَنسك مُو مَلَمْلِم بُرقة مُو لُطّاع نُور في نُور كواكبَك كُلهِن سُطَّاع **** يبكنَّك نقاقِير القَبيلة ال.. رَزّنْ ?يبكنك سِيوفاً فوق نحاسك هَزَّنْ ?تبكيك الخيول يُوم الرُّقاب ينجزّنْ ?يبكنَّك بطاينَا بي مِطُورهِن عزَّنْ *** يبكيك الكَرم وايضاً فعايل السَّمْتَة يبكنَّك همايلاً بي لِزومهِن قُمتَ ما قَفَّلت بَابَك مِن مِجاورَك ونمتَ شِلت الشيلْ مَطَبقْ ، للعشير مَا لمتَ * * * لا قاني القُطابي ، وقال حَلَفت قَسَمتَ طرْ في الجو على سَابع القبايل حُمتَ رَحلوا ال..بشبعُونِي وبي قفاهُم صُمتَ فاتُو وماتُو هَجُواتي الكِتالِهُن غَمتَه *** لا قاني القُطابي ، وقال لِي طِر في جَوِّي حُمتَ وعُمتَ ما لِقيتْ مِنْ وَقَع في هَوِّي الدُّغُم الكتالهُن بالحديد القوِّي وكت اتنقُّو مِينْ تَاني ال..بجيبني مخوِّي * * * في ودَاعة الله ياحسّان حَسين الخلَّة نَعَشَك مِنُو فوق أرض الجِنان تَدلي عَاشرتَك سِنين عُمرَك مِنَافِي الذَّلة رَادمُو عَلى قَفاك حمل الضَّعيف الكَلَّ **** مَاكْ دُخرِي بَرَاي ، دخري ال..رَقَد مَغَلُوب حِملَك شِلتُو جَاهِل مِنُو جاضَّة تلُوب لاك شَكَّاي ولاك حَكاي ولاك مسْلوب يا لبَنْ النَّخيبَة ال..للضُيوف مَحَلُوب ? * * * يَا اللَّدِر ال.. بَرَزِّم فِي الرضِيمَة أم شُوكْ مالَهُنْ هِملوا مِنْ امِس اليتَامَى ال..جُوكْ بتلفت وأعاين لَك وأقول لك غُوكْ بسَمَع حِسَّي رايِح كُلُّو أُوك فِي أُوكْ **** جِيتي زيارة فِي البَلَد البَعِيدْ طَلَّيتنِي شَرَّف قَدري فوق عُليا النِجوُم علَّيتني مُو خايل عليك يَاود أبُوي خليتني لي حُزنَاً ببالِيني الدِّهُور وليتني * * * كَبدي مَعَلقابَكْ يا صَدِيق شبَّانِي أولادَك جَنَاي وكلَّكُم حِبَّانِي وُدَّاً من قديم طَوَّل بَنَاهُ البَانِي بَتكَرَّفْ نَسيمكُم طِيبُو مَابَغَبَانِي * * * وُدَّاً فِي الضَّمير سَاكِن مُقِيم مُو مُبَارِح خُوَّة وعُشرَة مِن زمَن الشَّبَاب السَّارِح بَتَذّكر حَديثي معَاك تَقُول البَارِح وعَينَي بذرِفن دَمْعَ الفُراق الجارِح **** جِيتنِي زيارة في البَلَد البَعيدْ في الغُربة بَرَّيتني ورَعَيت حَق الوِِدَاد والقُربَى كَبدي مِن اليقين تالاكَ بقت مِنْخربَة وعْدَك لي خَلفَتُو ، وشِلتَ مِنَّي التُّرْبَة **** حُزنِي عَليك مَسرمَد لاهُ يُوم لاَ لَيلَة فِيك عَزَّيتهَا نَفْسِ وفيك بعَزيْ قَبيلَة حَدْ مَا البَرق يسُوق فُوق البَطَايِن نِيلة تغَرَق عينِي دماع الغبينة يكِيلا * * * حُزنِي عَليك مَسرمَد ماه حُزنَاً دُوُنْ حُزناً عمَّ مِنْ نَاس بيلا لا سِيدونْ مِنْ عَاديكنا لا كَسَلا أُم جُبالاً كُونْ الله يعزِي شُكريتَك مَحَل مَا تكُونْ **** أصلها فَانَية والمُوت فيها ماهُ غَرِيبَة لا بدُّور مَسَبب لا بِتكوسلُو ضَرِيبَة سَمُّوها ام قِدود القَايسين تجريبَة بتِّم العَمِيرة وتمشِي في تخرِيبه * * * لا عِنْد ال..بثكَّل فِي سمَاهُ يَحلِّقْ لا بُد ليهُ يُوماً فِيه عُمرُو يغلِّقْ مَلَك المُوت بِتبْ حَالِف عَليهُ مطَلِّق ياخْد الرُوح ويرمِيهُ البَدَن مِطلِّق **** أبْ رَسْوَة البنترِّ في رَضيمُو وكِرِّو رِعْيان الحَلال هَابُوهُ مِنُّو انَصرُّو ملك الموت بُجيهو غير يشاورو بضرو يا كلُو الطيرْ وعَضَّامُو الحَصَيني يجُرُّو * * * جامُوساً بنفج الصُومَعيِّة ويسَرِّح حَابس أمَّات عِجُولُو وللكتَّال متقرِّح يجيهُو المُوت نِهاراً قايله مَاهُ تبرِّح فوق عَضَّامُو جَقدُول والحِصينِي بَمرِّحْ **** دمَّارة المِلوك الدِنيا مي دار فَايدَة حَد مَا اتقدَمَت لا بُد بتعَكِس عَايدة غَبَّارة الرَّجَال سِتْ الفعال الكَايدَة لا خلَّـت بَليد لا سِيد نَبَاهةً زَايْدَة * * * ما تَحدِّثني بيها الدُّنيا شِن معَنَاهَا خَربَانة ومشَّلَّع يا فَهيم مَبْنَاهَا مَهمَا تمتعَك ليك الفِرُوع تََحناهَا لا بُد ليها يُوماً منك بتَاخدُو طَنَاهَا ***** أصلها فانية خربَانة وبِنَاهَا مَهَدَّم كسَّارة وعكُوس بِتصدِ بَعَد تتقَدَّم مفقود العلي ضَهَرو الحِمِل بتردَّم وحَكم السِّيد مُطَاعْ نَرضاهُ مَا بِتنَدَّم * * * حاتِم والسَّمَوْءل ومُعْتَصِم واخوَانهُن م بركَة نَاسْ ابُوهُن، تَبقَى في ديوانهُن م تعمر دَار أبُوهُن ويَبقَى زاهِي أوانْهُن م وأيَّام الدَّهر يبقن جميع أعوانهُن م | |
 |  |
| Bookmarks |
| Tags |
| None |
« Previous Thread | Next Thread »
| Currently Active Users Viewing This Thread: 1 (0 members and 1 guests) | |
| Thread Tools | |
| Display Modes | Rate This Thread |
Threaded Mode
|
|
 Similar Threads | ||||
| Thread | Thread Starter | Forum | Replies | Last Post |
| قصيدة كتبها الشاعر حسان ابو عاقلة والد مطور النافذة عزنا | gilany | الشعـــر | 1 | 10-18-2005 12:52 AM |
All times are GMT +5. The time now is 01:43 AM.
Powered by vBulletin® Version 3.7.1
Copyright ©2000 - 2013, Jelsoft Enterprises Ltd.
Copyright ©2000 - 2013, Jelsoft Enterprises Ltd.
( نسبة ضغط الصفحة : 10.74 % ــ الحجم قبل الضغط : 107.45 كيلو بايت ــ الحجم بعد الضغط : 95.91 كيلو بايت )