روعة الوصف عند الهمباتة

[قلبوس]

ماكا القليل ضرب القواسي بحقرك =
فى الحر والدواس دايماً متلّب صقرك=
بلّاع الكبار فى عيونو باين دقرك=
اوعاك من صديق أن خزّ أمكن اعقرك=
******=
مايغرّك زمن قبّل عليك واتبارك=
شين ان قلب باكر بمرق اسرارك=
العمل السمح سويهو اكرم جارك=
اديهو القرش صدقة وبتبرد نارك=
******=
الدنيا يوم والتانى تب مو هولك=
وان جار الزمن ساويهو قنّب طولك=
الزول الغشيم عافيهو بى مبذولك=
واللايك الصبر فى الحارة بصبح زولك=
******=
خربيش الزمن فوق النواعم ظاهر=
والفقر ان غرز شيطانو ماكر وقاهر=
طرف السقيد الفى خلاهو مساهر=
الليلة البعينك بيها بكرة بجاهر=
******=
الليلة الخلوق المال قطع طاريها=
فى الدنيا ام زوال الناس تلملم فيها=
الزول الشحيح لى نفسو مو مديها=
غاراهو العبوس والآخرة ديك ناسيها=
******=
مافينا العرور الفى منامو مجلّخ=
فى بيت العويل وسط البنات متفلّخ=
فينا الجنا اب ناراً هواها يسلّخ=
قرّان الحجامة الفى رقابنا مشلّخ=
******=
يااللسد الرزم مابعجبك الهبيش=
يا مضاير الصفوف تقلع مشيك بشّيش=
ان دقّ النحاس جات القبايل جيش=
بتجزّ الرقاب قبّال تجيك معليش=
******=
الكى النجيض فوق الرقاب بتخلفو=
والضيف اب حمل بتكرمو- زاملو تعلفو=
ممحوق الرجال قولو البسيهو اخلفو=
بودة وسعد بخرب مسورك اتلفو=
******=
نحنا السوادنة وفى المكرمات بنصابق=
والقايلين طوال بلقونا فوقم طابق=
حرّم ناس همج مافى القدرنا مطابق=
بنفّج ام لهيب فى الحارة لينا سوابق=
******=
ماكلين القرض دابغنا فى فشفاشنا=
واب ريش ان نفش بندوسو بى درّاشنا=
والمووز الفزع حرّم نمرقو طراشنا=
لا بنحسب عليهو لا بنفرشلو فراشنا=

الباقى تموهوا استماع
الزول دا لى هسة ما عرفتا اسمو

http://www.hotshare.net/audio/230579-65927954b9.html